Lee Huddleston
Teacher trainer

«Мен 2018-2019 оқу жылында Есенов университетінде жұмыс істедім. Бұл менің Қазақстанда бірінші рет жұмыс жасауым. Маған студенттермен және оқытушылармен жұмыс өте ұнады. Студенттер ағылшын тілін және американдық мәдениетті білуге қызығушылық танытты. Олар әрдайым сабақ барысында өте белсенді болды. Әлі де көптеген студенттермен және оқытушылармен әлеуметтік желілер арқылы байланыста боламын ».

Zachary Patrick-Riley
Teacher trainer

«Мен Yessenov University-де бір жыл жұмыс жасадым.  Университет өзін қаншалықты профессорлық-оқытушылық құрамының біліктілігін арттыруға арнайтындығы мені қатты таң қалдырды.  Әлемдік тілдер кафедрасының оқытушылары TKT және CELTA сертификаттарына ие және коммуникативті әдістерді қолдана отырып сабақ өткізетін.  Менің жұмысым ағылшын тілінің оқытушылары үшін воркшоптар және кафедра меңгерушісі үшін үздіксіз біліктілікті арттыру курстарын өткізу болды.  Бұл менің EFL оқытушысы ретіндегі мансабыма өзгеріс әкелді

Исмурзина Гүлжан
облыстық ҚХА хатшылығының меңгерушісі

«Қазақстан халқы Ассамблеясы» кафедрасымен бірге 2014 жылдан бері тығыз байланыста қызмет етеміз. Осы жылдар аралығында кафедра мүшелері аймақтағы этносаясаттың өзекті мәселелері бойынша көптеген жауапты іс-шараларды атқарып, аймақ тұрғындарының қоғамдық келісім саласындағы көңіл-күй динамикасын зерделеуге бағытталған ғылыми зерттеулерді сапалы жүргізіп отыр. Сонымен қатар облыс тұрғындары арасында түсініктемелік шараларды жүйелі түрде жүргізіп өлкеміздің шалғай аудандарына барып халықтың көкейтесті сұрақтарына жауап беріп, мәселелерді шешуге атсалысып отыр.

Назарбаева Нина Федоровна
№3 Арнаулы әлеуметтік қызметтер көрсету орталығының үйлестірушісі

“Қоғамға қызмет ету” пәні аясында біздің мекемеде тәрбиеленіп отырған ерекше  балаларға көрсетілген қолдау шын мәнінде өте пайдалы және жағымды эмоцияларға толы болды. Тәрбиеленушілерімен кездесуге қуана келе жатқан студент жастарды көргенде, жүрегімізді қуаныш кернеді. Студенттік жобалар игі істер жасау  арқылы өз-өзіңді танудың және жеке шығармашылық әлеуетіңді  іске асырудың ең жақсы тәсілдерінің бірі екендігінің айқын дәлелі болды.

Елизарова Рушания
«Каспий» баскетбол клубының директоры ( Манғыстау обл., Ақтау қ.)

Мен «Дене тәрбиесі» кафедрасын ерекше жақсы көремін, өйткені біздің «Каспий» баскетбол әйелдер командасының 7 қызы университет студенттері. Олар «Қазақстан Республикасының спорт шебері» атағына ие және 2019 жылы Ақтөбеде баскетболдан өткен Х жазғы универсиада чемпиондары. «Дене тәрбиесі» кафедрасында ұйымшыл ұжым, білікті кафедра меңгерушісі және сауатты оқытушылар жұмыс жасайды.

Турдиев Даурен Кайыпбаевич
МКК «Ақтау электр желілері басқармасының» басшысы

Біз студенттерге өз мамандағын жетік білуге, сүюге, өз әріптестеріне сенуге, білікті маман болуға, әрине ең алдымен адамгершілік қасиеті мол тұлға болуына кеңес беремін. Колледж студенттерінің тәжірибеден өтуі барысында біз өз тарапымыздан кәсіби мамандармен қамтамасыз етіп, жан-жақты көмек көрсетеміз.

Омержанов Серик Кумарович
Көлік комитетінің «Қазақстан кеме қатынасының тіркелімі» Батыс аймағының басшысы

Yessenov колледжі заман талабына сай бәсекеге қабілетті мықты мамандар дайындау барысында отандық білім мен ғылым саласына сүбелі үлес қоса алатын болашағы зор жас оқу ордасы деп білемін.

Қазіргі кезде Есенов колледжімен тығыз байланыстамыз. Өткізіліп жатқан ғылыми-практикалық конференцияларына, әр түрлі жиындарына атсалысып, қатысамыз.

Аталмыш колледжде студенттер табысты жұмыс пен өмірге қажетті іргелі білім алуға мүмкіндігі бар. Білім сапасы жоғары деңгейде, барлық оқытушылар жоғары біліктілігі бар жақсы мамандар болып табылады.

Бисекенов Руслан Сайынұлы
Маңғыстау облысының «Атамекен» кәсіпкерлер палатасының адами капиталды дамыту бөлімінің бірінші санаттағы сарапшысы

Мен Есенов колледжіне көптеген мүмкіндіктер мен болашағы бар қызықты, көңілді әрі пайдалы күндер үшін, тәжірибелі ұстаздар және жан-жақты қалыптасқан тұлғалармен жеке танысқаным үшін ризамын.

Мен колледж ұжымының жұмыс берушілер бағалайтын және бүгінгі күнгі сұранысқа ие маман иелерін дайындайтынына сенімдімін.

Оқу ордасына үздіксіз даму мен өркендеуді тілеймін!

Жалгабаева Акбопе Алпысбайкызы

Ұлым 2020 жылы «Есенов колледжі» Мұнай және газ кен орындарын пайдалану мамандығына оқуға түсті. Колледждің білім беру сапасына, материалдық базасына, педагогикалық ұжымына көңілім толады.  Білім әлемінде өз мамандығына сай маман болып қалыптасуға жол салып жүрген оқытушыларға алғысым шексіз. Ұлымның Тәуелсіз еліміздің рухани жаңғыруына, әлем таныған мемлекетке айналуына аянбай еңбек етер, ардақты азамат болып қалыптасып, жауапты тұлға болатынына кәміл сенемін.

Бегенова Санзира Аманжанкызы

Қызым «Есенов колледжінің» Есеп және аудит мамандығының 1 курс студенті. Осы білім ордасын таңдап, сапалы білім алып, жан-жақты дамыған бәсекеге қабілетті тұлға қалыптасып жатқанына қуанамын. Колледж ұжымына ертеңгі күннің белсенді, қоғамдық-саяси мәселелерін шеше білетін білімді де білікті шәкірттеріңіз көп болсын тілеймін!